Anlässlich des Geburtstags unseres Dirigenten Armin wurde das Gedicht „Was isch en Dirigent?“ von einem Sänger vorgetragen. Dies möchten wir ihnen natürlich nicht vorenthalten.
Was isch en Dirigent?
So`en Dirigent isch en Mensch – fascht wie en glone Gott,
der en de Singschdund ganz alä des Sage hot.
Erschd erklärd`er – wie ma rischdisch schnauft,
damit ma beim Singe ko u`nedischi Energie verbraucht.
Dann jagd`er uns die Tonleiter nunner un ruff,
des regt uns bei de Schdimmbildung manchmal uff.
Er wählt aus – was ma heit hewe zu Singe,
un er secht: des deet uns, – seim Lernziel näher bringe.
Un manchmol wunnert sich der gute Mann,
wie hoch – odder wie dief – so en Leiechor singe kann.
Net mit jeder Chorwahl sinn ma begeischtert.
Un vun so mancher Partitur – hede ma uns gern bei de AVR erleichtert.
Des isch dem awwer Worscht`egal,
g`sunge un geübt wird des, – uff jeden Fall.
Er geht seinen Weg um Paukt`s uns ei,
er lässt sich a net schtöre – vun derre leise Motzerei.
Awwer wanns dann klappt, un der Applaus dann kummt,
sin uf on Schlag alle „Meckerschdimme verschtummt“.
In dem Fall war`s dann – uff omol – allen schun klar,
des Lied gibt e Schau, uns` klingt wunderbar.
Ich was, ich heb manchmol a schun geschennt,
üwwer`d Lieder – üwwer d`Singschdund, un de Dirigent.
Awwer wann ich mit so mei Gedanke mach,
muss ich sare: des isch em Dirigent ei Sach,
die Lieder zu wähle – un des Programm zu kreier,
„ Er“ deed sich jo mehr – als die Sänger blamiere.
Weil wann wieder Erwarte des Ganze net klappt,
dann isch`s doch „Er“ – der in de Mischthaufe neidappt.
Dann büst doch „Er“ – für all unsere Sünde,
drum will ich`s a laut un deutlich verkünde:
En Dirigent isch so en glone Gott,
der in de Singschdund des Sage hot!!!.
Volker/ „d`Kurpfälzer Fedder“
